Fotografias e mei ...

Un arriu tipic deu Sud-Gironda.

Dauna e senher, non non non ! Aqueth arriu n'es pas un sanctuarí ont se van negar los gatòts quan vaden ... Non non Lo Gat-Mòrt, en francés seré "le Gué Mort", lo guà mòrt.

Qu'es aquò lo Bloguitge ?

Ben lo Bloguitge, se voletz, qu'es un malhum de blògs occitans. Per en ester, cau acceptar la carta que se resuma en un article :

1) Volem defendre e difusir la lenga occitana en l'utilizar sus l'Internet per parlar de tot.

N'es pas complicat, e ?

En mei d'aquò, coma lo Bloguitge es moderne, qu'a lo son logò :

E si vosautres tanben avetz un blòg en occitan ont emplegatz la lenga tà parlar de çò que voletz, que'vs cau botar lo logò suu voste blòg , botar la tièra deus membres deu bloguitge en ligam, e vos sinhalar a un blogaire o suu forum Occitania !!

Adishatz a tots !

M'apèran l'Òmi ! Sabi, n'es pas un nom ... es sonque un chafre ... mes que voletz, lo malhum es un lòc ont se cau saber gardar un pauc de mistèri ... E puish, que i a monde que saben qui es l'Òmi. Soi un deus administrators deu forum Occitania !! Benlèu que coneishetz aquèth forum, siquenon, que'vs conselhi d'i anar botar un pè.

Mes non soi pas sonque quauqu'un de virtuau, soi tanben un èste de carn e d'òs (enfin, subretot de carn e de graish ...) Soi un gascon deu Sud-Gironda, mitat pinhadar-mitat vinha. Dinc adara, qu'estó estudiant en Lettres-Occitan a l'Universitat de Bordèu, mes sabetz, l'Universitat, es pas un lòc per un fenhant, alavetz me torni de cap a un BTS de torisme (sabi que cau tribalhar en BTS, mes qu'ei un costat masochista, qu'ei mestier d'ester bolegat tà tribalhar ...)

Fin finau, perque un blòg ? Benlèu que'vs disetz que'vs vau balhar totas las fotografias de las mias seradas de hèsta, deu mon can, deus gats e quauques tèxtes de cançons que m'an agradat tot aquò tà díser a la mia amiga que l'aimi per la vita sancèra de tot mon còr e patin e cofin ... Non non non ! Un pauc de pudor dens la blogòsfèra ! Sonque un blogòt tà botar quauquas fotografias de Gasconha subretot, e chic a chic d'Occitania, e quauquas còps de gula.

Anem, bona passejada dens la blogòsfèra, e a lèu !